Gazetari "shuplakë" Koçiut: "Kameriere" në Ministrinë e Brendshme

“Ne nuk kemi një ministre por kemi një kamariere në institucionin e Ministrisë së Brendshme. Më duket si kamariere që shërben që lë ndonjë bakshish dhe është kot. Kemi një ministre që kryeministri në Asamblenë e PS i tha do të merresh me sistemin e adresave. A thua se ky është roli kryesor i ministrit të Brendshëm. Ndërkohë që Policia e Shtetit është problematike dhe që Policia e Shtetit të drejtohet duhet të ketë një vullnet të fortë politik dhe një ministër të brendshëm të fortë. Pse pati sukses lufta kundër korrupsionit në 2005-2007? Sepse Sokol Olldashi kishte një vullnet të hekurt politik i mbështetur nga kryeministri. Ne duhet të kemi një ministër të Brendshëm me vullnet të fortë politik të mbështetur nga një kryeministër dhe nuk mund të kemi një drejtor policie i cili merr një oficer policie profesionist dhe e degdis pse merr telefonin e një të arrestuari apo shumë nga drejtorët dhe strukturat e tij janë shumë të akuzuar dhe profesionistët dhe njerëzit që janë me eksperiencë në Policinë e Shtetit janë larguar janë anatemuar se nuk i pëlqejnë Ilir Prodës i cili ka celularin në SPAK apo është i përfolur për lidhje shumë të dyshimta”, tha gazetari Elvi Fundo./ CNA