Tregu i bonove, në duart e qytetarëve

Gjatë nëntë muajve të parë të 2025-s, mbi 98 për qind e tregtimit të titujve të shtetit është bërë nga qytetarët, jo nga bankat apo kompanitë financiare, sipas të dhënave zyrtare. Shumica e parave ka qarkulluar jashtë Bursës, në ankandet ku shteti shet tituj për të marrë hua dhe në pagesat për obligacionet e maturuara. Më shumë se gjysma e tregtimeve ka qenë me obligacione, ndërsa pjesa tjetër me bono thesari. Obligacionet kanë sjellë vlera më të mëdha, por bonot janë përdorur më shpesh për shkak të kthimit të shpejtë në para. Ndryshe nga individët, bankat dhe shoqëritë tregtare kanë ulur ndjeshëm aktivitetin, duke bërë më pak shitje dhe vetëm pak më shumë blerje. Në disa segmente, nuk është regjistruar asnjë veprim. Në total, tregtimi i titujve të shtetit ka qenë rreth 5 miliardë lekë më i ulët se një vit më parë.