Divorci i Neda dhe Ogren Ballukut/ Ja cila është gjyqtarja që do të shqyrtojë marrëveshjen

Një lajm i ditëve të fundit që mbuloi ekranet e Tv dhe portalet e vendit ishte kërkes-padia civile e Neda Ballukut, e cila 10 vite më parë kurorëzoi martesën me Ogren Balluku. Çështja tashmë është regjistruar në sekretarinë e gjykatës me nr. 17084, ndërsa shorti elektronik i gjykatës ka zgjedhur për gjykimin e kësaj kërkese-padie gjyqtaren Majlinda Dogga. Mësohet se palët, Neda Balluku dhe Ogren Balluku, kanë rënë dakord duke lidhur një marrëveshje divorcimi mes njëri-tjetrit, duke çuar edhe në ndarjen e detyrimeve që do të rrjedhin nga ky divorc për të dyja palët.