Articles by M C

Politics

EMRAT/ Zgjedhjet e pjesshme lokale, PD zyrtarizon kandidatët në 6 bashkitë e vendit

Partia Demokratike ka zyrtarizuar kandidatët për zgjedhjet e pjesshme lokale në gjashtë bashki të vendit. Zgjedhjet e pjesshme lokale do të mbahen më 9 nëntor, duke përjashtuar bashkinë e Tiranës, pasi Gjykata Kushtetuese rrëzoi dekretin e presidentit Begaj pas ankimimit të Erion Velijat për shkarkimin e tij. Kujtojmë se kandidati për Bashkinë e Tiranës, Florjan Binaj, garon si kandidat i pavarur, por Partia Demokratike dhe partitë e tjera opozitare kanë shpallur mbështetjen e tyre për kandidaturën e tij. Emrat e përzgjedhur janë: Florjan Binaj – Tiranë Gabriel Guma – Tepelenë Dionis Sota – Vlorë Eduart Brahlika – Mat Amarildo Hoxha – Cërrik Pavlo Shkarpa – Berat

Technology

Do kandidojë për Tiranën, Florjan Binaj largohet nga “Piranjat”: Po hedh hapin tim për ndryshim

Florjan Binaj ka njoftuar largimin nga emisioni investigativ “Piranjat”, pas vendimit për të kandiduar si i pavarur për Bashkinë e Tiranës në zgjedhjet e parakohshme lokale. Lajmin e dha vetë aktori dhe moderatori, në nisje të emisionit të sotëm, që sipas tij, ishte edhe i fundit si drejtues i programit. Ai tha se humori për të ka qenë gjithmonë një mjet për të përballuar dhimbjen, për të ekspozuar padrejtësitë dhe për të mbajtur pushtetin përballë përgjegjësisë. Gjatë tre viteve të drejtimit të “Piranjave”, aktori theksoi se ka denoncuar korrupsionin, abuzimin, por edhe plagët sociale dhe morale të shoqërisë shqiptare. Ai shtoi se gjatë kësaj kohe ka takuar mijëra njerëz në gjithë vendin, që shprehin dëshirën për ndryshim, por shpesh nuk dinë si ta realizojnë atë. Lamturmira e Binajt nga “Piranjat”: Sot është momenti im më i vështirë në këtë skenë. Sepse sot, duhet të ndahem me Piranjat. Po ndahem me nostalgji nga një punë dhe një program që e dua shumë dhe që e ndjej pjesë të trupit tim. Por po ndahem për diçka më të madhe. Kanë qenë 3 vjet që më kanë rritur shumë si artist dhe si njeri. Për 3 vjet, në këtë familjen tonë të vogël, kemi denoncuar jo vetëm korrupsionin dhe abuzimin, por kemi ekspozuar edhe brishtësinë e shoqërisë shqiptare, plot me plagë shoqërore, morale dhe emocionale. Për mua, humori nuk ka qenë thjesht argëtim, por një ilaç që zbut dëshpërimin dhe dhimbjen e njerëzve. E kam përdorur humorin edhe si mjet për të hapur sytë ndaj së keqes që na rrethon dhe për ta vënë pushtetin para përgjegjësisë. Këto vite kam prekur gjithë Shqipërinë dhe jam takuar me mijëra njerëz, me halle të mëdha e të vogla. Kam dëgjuar prej tyre që duhet ndryshim, që diçka duhet të ndryshojë. Por kam kuptuar që janë të humbur, dhe shumica nuk e dinë, nuk e kuptojnë si bëhet ndryshimi. Puna është: si ndodh ndryshimi? Unë e kam menduar gjatë: si bëhet ndryshimi? Si vjen ndryshimi? Duke hedhur një hap. Ndryshimi vjen vetëm kur dikush bën një hap. A flasim për ndryshim? A themi: “Kush do ta ndryshojë këtë vend?” Unë e bëra hapin tim. Pas meje, një tjetër. Dhe një tjetër. Dhe një tjetër. Le të bëhemi 2, 3, 10, 100, 1 mijë, 100 mijë… Derisa të gjithë të bëjmë një hap për ndryshimin.

Nën masa të rrepta sigurie, Kombëtarja shqiptare arrin në hotel në Nish

Shqipëria luan “finalen” e saj të madhe përballë Serbisë, ku një fitore historike e kuqezinjve, do t’i jepte një shtysë më të madhe të besuarve të Sylvinhos për të siguruar vendin e dytë që të çon në Play Off”-et e Botërorit 2026. Mbrëmjen e sotme, nënë forca të shumta sigurie, ekipi shqiptar është shoqëruar drejt hotelit ku do të akomodohet. Në orën 16:30, trajneri Sylvinho dhe mbrojtësi Elseid Hysaj dolën në konferencë për mediat, të cilët shprehën të njëjtin qëllim, fitoren kundër serbëve.

Technology

Vrasja e pronarit grek të kampingut dhe mikut shqiptar, zbardhet testamenti i pasurisë: Po e shkruaj në rast vdekje të papritur

Të tjera detaje kanë dalë në dritë nga vrasja e dyfishtë e ndodhur mbrëmjen e 5 tetorit në fshatin Finikoundë të Kalamatas në Greqi në një qendër kampingu. Të vrarë mbetën pronari grek i kampingut dhe miku i tij shqiptar, i cili gjithashtu i punësuar po aty. Mediat greke kanë zbuluar një testament të shkruar nga greku, i cili është shkruar 3 ditë përpara se të ndodhte vrasja. Ajo çfarë ka bërë më tepër përshtypje është shkrimi në testamet: Unë shkruan testamentin tim në rast vdekjeje të papritur”, duke treguar pasiguri për atë çfarë mund të ndodhte në çdo çast. Pjesa më e madhe e pasurisë greku ia kishte lënë nipit të tij, i cili gjithashtu ka qenë dëshmitar në vrasje. Në testament, pronari i kampingut shkruan me shumë ndjenja për nipin e tij, të cilin e konsideronte si fëmijën e tij dhe për të cilin kishte shprehur dashuri dhe respekt të jashtëzakonshëm. Ai gjithashtu i la gjysmën e pasurisë kujdestarit të kampingut, punonjësit shqiptar, mikut i tij i ngushtë, i cili u vra gjithashtu në ngjarjen tragjike. Në fund të testamentit, ai u ka lënë gjithashtu shuma të konsiderueshme parash motrës dhe djalit të saj, si dhe mikut të tij shqiptar, nëse nipi i tij do të vendoste të shiste pronën. Për më tepër, autoritetet kanë gjetur një testament të mëparshëm të 68-vjeçarit, i cili dyshohet të jetë hartuar rreth një vit më parë dhe i vulosur. Autoritetet janë duke e krahasuar këtë testament me dokumentin e fundit për të nxjerrë më shumë informacione për ngjarjen. Ngjarja në fjalë ka ndodhur mbrëmjen e 5 tetorit rreth orës 20:30 kur një recepsionin e kampingut erdhi një person me armë në dorë duke qëlluar mbi pronarin. Shqiptari është qëlluar nga pas në tentativë për tu arratisur. Nipi i pronarit grek, fatmirësisht ka shpëtuar pa lëndime. Ashtu siç u raportua më parë nga mediat greke, viktima dhe autori, që është arratisur drejt Athikës, kanë pasur konfliktë të mëparshme.

Technology

Nën akuzën e spinazhit, Fatmir Sheholli në paraburgim për 30 ditë

Gjykata Themelore në Prishtinë ka caktuar masën e paraburgimit prej një muaji për Fatmir Shehollin, të dyshuar për spiunazh kundër shtetit. Gjatë ditës, në Themelore u mbajt seanca dëgjimore ndaj Shehollit, pasi paraprakisht Prokuroria Speciale e Kosovës kërkoi që ai të dërgohet në paraburgim derisa autoritetet të kryejnë hetime ndaj tij. Sheholli u arrestua të enjten në rrethin e Prishtinës pas hetimeve disamujore kundër tij. Ministri i Brendshëm në detyrë, Xhelal Sveçla, tha të enjten, pas arrestimit, se Sheholli ka pasur “hapësira të pakufizuara” në mediat e Kosovës, dhe se ai ka “bashkëpunuar me aktorë që çdo ditë punojnë e veprojnë për të minuar Republikën tonë dhe progresin e saj”. Prokuroria deri tani nuk ka dhënë hollësi për atë se për kë dyshohet të ketë spiunuar Sheholli, por Sveçla la të kuptohej se ai mund të ketë spiunuar për Serbinë. “Mbesim të përkushtuar të mbrojmë vendin tonë nga të gjitha qarqet që nuk hezitojnë ta rrezikojnë atë për çfarëdo përfitimi të tyre. Koha e spiunëve të Serbisë në Kosovë ka përfunduar. Kushdo që punon për Serbinë e kundër Kosovës do të ndiqet pa kompromis e pandalshëm”, shkroi Sveçla në Facebook. Policia e Kosovës kreu bastisje në vendbanimin e të dyshuarit të enjten. Së voni, autoritetet në Kosovë kanë arrestuar, akuzuar e gjykuar serbë e shqiptarë nën dyshimet se po spiunonin për shërbimet e inteligjencës së Serbisë. Në qershor, gjykata në Prishtinë e dënoi Aleksandar Vllajiqin me pesë vjet burgim, pasi ai u deklarua fajtor për akuzat se ishte përfshirë në spiunazh si anëtar i Agjencisë serbe të Inteligjencës dhe Sigurisë (BIA). Dy të dyshuar të tjerë, Bedri Shabani dhe Muharrem Qerimi, po gjykohen për spiunazh për Serbinë në Gjykatën Themelore në Prishtinë. Ata janë deklaruar të pafajshëm për akuzat se kishin dhënë informacione tek BIA serbe për disa institucione të sigurisë në Kosovë, për UÇK-në dhe masakrën e Reçakut. Në një rast tjetër po gjykohet edhe serbja Jellena Gjukanoviqit, e cila akuzohet për spiunazh për inteligjencën serbe. Ajo e ka mohuar fajësinë. Në Kosovë, spiunazhi përkufizohet si aktivitetet sekret i mbledhjes, transmetimit ose shpërndarjes së informacionit të ndjeshëm në një shtet, organizatë ose grup tjetër. Sipas Kodit Penal të Kosovës, spiunazhi konsiderohet krim i rëndë dhe dënohet me të paktën pesë vjet burgim, nëse i dyshuari shpallet fajtor. Ekspertët kanë thënë se spiunazhi është kërcënim serioz për sigurinë e Kosovës dhe arrestimet e fundit vetëm sa nxjerrin në pah rrezikun e vazhdueshëm. Sipas tyre, ky aktivitet jo vetëm që destabilizon vendin brendapërbrenda, por dëmton edhe pozitën e tij ndërkombëtare. Ish-kryeinspektori i Agjencisë Kosovare të Inteligjencës (AKI), Burim Ramadani, e konsideron spiunazhin si një prej kërcënimeve kryesore të sigurisë kombëtare në vend./ REL

Horoskopi 9 Tetor 2025/ Njihuni me surprizat e yjeve për ditën e sotme

Financiarisht, prania e Jupiterit inkurajon investime të kujdesshme. Venusi mund t’ju tundojë për blerje impulsive. Në punë, mund të përballeni me probleme në komunikim ose ndryshime të papritura. Çështjet e dashurisë përfitojnë nga vendosja e Venusit, duke bërë që bisedat e përzemërta të rrjedhin. Financiarisht, pozicioni i Jupiterit mbështet fitimet përmes komunikimit dhe sipërmarrjeve afatshkurtra. Në punë, ka gjasa të vlerësoheni, prandaj përqendrohuni në kënaqësinë e brendshme. Në çështjet e dashurisë, Venusi mund të nxisë nostalgji ose emocione të lidhura me familjen. Financiarisht, Afërdita rrit sharmin dhe aftësitë tuaja negociuese. Në punë, prania e Diellit sjell mundësi lidershipi. Dashuria fuqizohet nga Marsi, duke shkaktuar shaka dhe gjeste spontane. Financiarisht, prania e Jupiterit mbështet rritjen e qëndrueshme. Në punë, Venusi sjell bashkëpunime harmonike, ndërsa Hëna dhe Saturni inkurajojnë planifikimin dhe menaxhimin e kujdesshëm të burimeve. Nuk përjashtohet mundësia e një surprise në jetën tuaj në çift. Financiarisht, këshillohet kujdes pasi mund të ketë shpenzime të papritura në shtëpi. Në punë, mund të ketë keqkuptime, kështu që qartësia në komunikim është thelbësore. Dashuria do të jetë intensive dhe transformuese, me Venusin që inkurajon admiruesit sekretë ose momentet private. Virgjerësha Financiarisht, Marsi energjizon potencialin tuaj të fitimit. Në punë, prania sjell partneritetet në plan të parë. Dashuria është pasionante. Shëndeti është i qëndrueshëm, megjithëse Marsi sugjeron të shihni dietën dhe të shmangni teprimet. Financiarisht, Afërdita sjell mundësi për fitime përmes rrjeteve sociale. Në punë, prania e Diellit rrit aftësitë tuaja për zgjidhjen e problemeve. Dashuria fuqizohet nga Marsi, duke ju bërë magnetikë dhe të guximshëm. Financiarisht, Jupiteri sugjeron balancimin e ambicies me diplomacinë. Dashuria është e thellë dhe introspektive, teksa Hëna inkurajon biseda kuptimplote. Sa i përket anës shëndetësore, jepini përparësi pushimit. Financiarisht, Venusi mbështet fitimet përmes udhëtimit. Në punë, energjia e Diellit rrit mundësinë për ngritje. Dashuria është aventureske, me Venusin që inkurajon përvoja të përbashkëta, megjithëse Hëna dhe Saturni mund të nxisin biseda më të thella rreth besimit. Financiarisht, mund të përballeni si me mundësi ashtu edhe me sfida, prandaj kontrolloni dy herë detajet para se të merrni angazhime. Në punë, ndikimi i Jupiterit rrit kreativitetin dhe zgjidhjen e problemeve, ndërsa Venusi inkurajon bashkëpunimin në projekte komplekse. Dashuria mbështetet nga Jupiteri, duke i bërë gjestet romantike veçanërisht kuptimplota. Në punë, prania e Diellit rrit besimin dhe sigurinë. Dashuria është dinamike, me Venusin që inkurajon lidhje të reja. Sa I përket anës shëndetësore bëni kujdes me stresin. Përpiquni të gjeni mënyra për tu ndjerë të relaksuar. Financiarisht, Jupiteri mbështet stabilitetin. Në punë, Dielli sjell mundësi të fshehura, megjithëse Mërkuri mund të shkaktojë konfuzion. Shëndeti është i qëndrueshëm, por Saturni sugjeron kujdesin për veten ose një udhëtim relaksues.