Yunanıstan türk balıqçılara atəş açdı

Türkiyənin Aydın vilayətinin Didim rayonu ilə Agathonisi adası arasındakı su hövzəsində balıq tutan türklərlə Yunanıstanda sahil mühafizəsini həyata keçirən əməkdaşlar arasında gərgin anlar yaşanıb. Yunanıstanlı mühafizəçilər türk balıqçılara atəş açıb. Metbuat.az xəbər verir ki, insident nəticəsində “Hasip Reis-3” adlı balıqçı gəmisi zərər görüb. “Hasip Reis-3”ün kapitanı Həsən Aygün hücumun Türkiyənin ərazi sularında həyata keçirildiyini bildirib. Onun sözlərinə görə, 3 yunan gəmisinin hücumuna məruz qalan türkiyəli balıqçılar ərazidən uzaqlaşıblar.