VITI AKADEMIK NË ARTE: INTERES I QËNDRUESHËM

Departamenti I Arteve në Shkodër në vitin e ri akademik ka mirëpritur brezin e ri të studentëve të arteve pamore dhe digjitale. Drejtuesi i departamentit të arteve, Rubin Mandija, u shpreh se shifrat e studentëve janë të konsoliduara, me 10–15 studentë të rinj të regjistruar çdo vit, çka tregon një interes të qëndrueshëm për programet e ofruara dhe një bazë të qëndrueshme të komunitetit artistik në formim. Megjithatë, Mandija thekson se për zhvillimin maksimal të potencialit të studentëve, duhen investime në pajisje teknologjike, veçanërisht për fuqizimin e lëndëve digjitale në art, një fushë që po zë vend gjithnjë e më të rëndësishëm në formimin artistik bashkëkohor. Këto zhvillime tregojnë se Departamenti i Arteve mbetet një qendër e rëndësishme formimi krijues në Shkodër, ndërsa theksi te investimet teknologjike shihet si hap i domosdoshëm për të vijuar me ritmet e artit bashkëkohor